5 اسرار لزيادة العملا عن طريق السوشيال ميديا
بتدورعليهم زى ما يكونوا ابره فى كوم قش ... لاقيتهم ؟ لاقيتهم حقيقى ؟ .. مش هما ، مش كده ؟
دى ناس تانيه ، مش عارف بيجوا منين ، رقم على الفاضى ، لا فيهم حد بيشترى و لا بيسأل حتى على المنتج ... لأ و كل ما أسأل مسئول التسويق ، يقولى :
يا بيه انا عملت اللى عليا ، و الارقام تشهد ، شوف عدد المعجبين و المتابعين لصفحتنا و انت تعرف .
انا : ايوه ، بس محدش فيهم بيتصل و لا بيشترى
مسئول التسويق (اللى مدوخنى): مش مشكلتى حضرتك ، اسأل فريق البيع عندك اكيد مش شايفين شغلهم
و من فريق التسويق لفريق البيع و دوخينى يا لمونه
ايه حصل معاك السيناريو دا قبل كده ؟ طيب ، المفاجأه بقى انه حصل مع الكل تقريبا ، كلنا كنا ابطال لنفس الفيلم ، مع اختلاف مشهد النهايه مش اكتر ، يعنى فيه مننا اللى فى النهايه بيزهق و يقفل السوشيال اكاونت بتاعه عشان مش جايب همه ، و فيه مننا اللى بيقرر يسيبه و يدفعله كمان عشان السوشيال ايمدج ما تتهزش 
، و فيه اللى بيرفد مسئول التسويق و يرجع يعينه تانى هوا و صاحبه ، و فيه اللى بيقرر ينفصل ، مش عن الشغل ، عن مراته عشان هى السبب فى كل الفشل اللى فى حياته من الاول :)، و فيه و فيه .......
، و فيه اللى بيرفد مسئول التسويق و يرجع يعينه تانى هوا و صاحبه ، و فيه اللى بيقرر ينفصل ، مش عن الشغل ، عن مراته عشان هى السبب فى كل الفشل اللى فى حياته من الاول :)، و فيه و فيه .......
طيب نحلها ازاى المعضله دى ؟
الحل بعد معاناة السنين ، فى خلاصة تجارب الاخرين و عصارة ... استنى استنى و لا خلاصة و عصارة و لا حاجة ... الحل طلع بسيط اوى ... اعرف اسرارها و العبها صح بس .
ايه بقى الاسرار الخمسه دول :
قبل ما نعرف الاسرار الخمسه ، لازم الاول تعرف دورك فيهم هيبقى ايه :
انت هنا هتلعب دور المراقب و المستمع الجيد .
طيب هنراقب ايه ، اهى دى بقى الاسرار الخمسه :
1- هتراقب و تسمع كويس الناس اونلاين اللى بتدور على منتجك او منتجات شبيهه
2- هتراقب الطلب على البيزنس بتاعك
3- هتراقب المنافسين و عملائهم
4- هتراقب مناطق ينفع يتواجد فيها عملاء فى المستقبل
5- هتتعرف على اصحاب الوجود المؤثر فى المجال على السوشيال ميديا و تطلب يساعدوك
كلام يبان جميل ، بس اعمل دا ازاى ؟
تعالى ناخد نقطة نقطة و نشوف نعملها ازاى :
1- تراقب و تسمع كويس الناس اونلاين اللى بتدور على منتجك او منتجات شبيهه
هنا القاعد الاولى "انسى " ... انسى اللى انت حفظه عن منتجك ، و ابتدى شوف الناس بتتكلم عليه ازاى
مثال : هنفرض انك صاحب مصنع جبن ، و كتر خيرك ، مليتها كالسيوم
فدايما تعرض المنتج بإستخدام الالفاظ "جبنة مليانه كالسيوم" ، "مفيده لبناء العظام لدى الاطفال "
بس لما حاولت تعرف الناس بتتكلم ازاى ، و بالذات بتدور على المنتج ازاى على الانترنت ،
لاقيتهم بيدورو بإستخدام الفاظ تانيه زى " جبنه تكبر " او "جنبه لسندويشات المدرسه " او " جبنة بدل اللبن "(عشان الاولاد ما بيحبوش اللبن و كده 
"
و ده معناه انك هتبتدى تدور على الالفاظ اللى بيقولها الناس مش اللى انت بتقولها
طيب اعرف منين الناس بتدور بأنهى الفاظ : سهله استخدم
و ادور ازاى على الالفاظ دى فى السوشيال ميديا بقى : بردو سهله استخدم
2- هتراقب الطلب على البيزنس بتاعك
و طبعا مش محتاجه اقولك ، انه اول ما حد يجيب سيرة البراند بتاعك فى اى كومنت و لا سؤال و لا هاشتاج على السوشيال ميديا ، لازم تروح بسرعه ترد عليه ، و لو ما ردتش انت حد تانى هيرد ، مش هاقولك مين ... انت عارف ... ايوووووه هوا " المنافس " طبعا هوا فيه غيره
استخدم هنا :Brand 24
هيقولولك مين جاب سيرتك فى ساعتها
3-هتراقب المنافسين و عملائهم
و بنفس الادوات فى النقطة اللى فاتت ، و بالذات بإستخدام Brand24 ، دور بقى على مين جاب سيرة المنافس ، او المنافسين ، و روح انت رد على الناس دى ، قبل ما المنافس يخلص غداه و يجى هوا يرد عليهم
4-هتراقب مناطق ينفع يتواجد فيها عملاء فى المستقبل
هنا بقى دور على المكان اللى الناس بتسأل فيه عن المنتج او الخدمة بالمكان
هنا دور فى
حطله بس الالفاظ اللى انت بتدور عليها زى مثلا " جبنة بدل اللبن " و هتلاقيه جابلك مين اكتر مكان فى مصر مثلا الناس بتدور فيه على نفس اللفظ
و بعدها انضم بقى لجروباتهم و نقاشتهم على السوشيال ميديا ، او افتح فرع عندهم عادى يعنى سهله
5- هتتعرف على اصحاب الوجود المؤثر فى المجال على السوشيال ميديا و تطلب يساعدوك
" |
| Social Media Influencers |
ايوة ... المشاهير بقى ... اعرف هما مين عن طريق ادوات صح زى دي
كلمهم يعلنوا عن منتجك على صفحاتهم او يتكلموا عنه او يتصوروا معاه ، دول بيتابعهم ملايين من الناس ، اكيد يعنى "هينوبك من الحب جانب"
و فى النهايه جرب كل حاجة ادوات السوشيال ميديا ليها الف استخدام و استخدام ، بس انت العبها صح .
نشوة رياض
No comments:
Post a Comment